ХАН-УУЛ ЦАГ УУРЫН ӨРТӨӨНИЙ ТАНИЛЦУУЛГА ОН ЦАГИЙН ХЭЛХЭЭС “Их сургууль” цаг уурын өртөө нь анх 1982 оноос туршилтын журмаар 1 жил ажиллаад 1983 оноос албан ёсоор МУИС-ийн цаг уурын ангийн оюутнуудын сургалт дадлага хийх зориулалтаар байгуулагдаж 3 хүний орон тоотой МУИС–ийн 1 дүгээр байранд техникчид нь тэнхимийн багш нартай хамт байрлаж ажиллаж байгаад ЦУОШГ-ЫН даргын 2013 оны 12 дугаар сарын 3-ны өдрийн 222 дугаар тушаалаар 2013 оны 12 дугаар сарын 1-ний өдрөөс “Их сургууль” цаг уурын өртөөг нүүлгэн шилжүүлснээр “Амгалан” цаг уурын өртөөг Баянзүрх дүүргийн 12 дугаар хорооны нутаг дэвсгэрт байрлах Ботаникийн хүрээлэнгийн хашаанд 2013-2019 он хүртэл ажиллаж байгаад Хан-уул дүүргийн 20 дугаар хороо Байгаль орчин хэмжил зүйн төв лабораторийн хашаанд “Хан-уул” цаг уурын өртөөг байгуулсанаас хойш үйл ажиллагаа хэвийн явагдаж байна.
Хан-уул цаг уурын өртөө нь 5 хүний орон тоотойгоор шинжилгээ, мэдээлэл үйлчилгээний ажлыг тасралтгүй 24 цагаар ажиглалт хэмжилтийг хийж гүйцэтгэдэг.
Хан-уул дүүргийн нутаг дэвсгэрийн хэмжээнд нэгдмэл арга зүй, батлагдсан хөтөлбөрийн дагуу ус цаг уур, орчны хяналт шинжилгээ мэдээлэл, үйлчилгээний ажлыг гүйцэтгэх түүний байнгын тасралтгүй, шуурхай байдлыг хангах цаг агаарын болзошгүй аюул гамшиг, орчны ноцтой бохирдлоос сэрэмжлүүлэх зорилготой.
➢ Нийслэл хотын хан-уул дүүрэг орчмын нийтийн болон тусгай хэрэглээний цаг агаарын урьдчилсан мэдээ гаргах, бэлтгэхэд мэдээллийн суурь бааз болдог.
➢ Агаар хөрсний температур, үнэмлэхүй их, бага утга, салхины хурд, чиглэл, өрөвхийлөлт, агаарын даралт, чийгийн үзүүлэлтүүд, хатуу шингэн тунадасны хэмжээ, цасан бүрхүүлийн бүрхэц, зузаан, үүл, цаг агаарын үзэгдлүүдийг тасралтгүй ажиглаж, уур амьсгалын горимын мэдээ, архивын мэдээний бүрдүүлэлтийг хийж байна.
➢ Нийслэл хотын хан-уул дүүрэг орчмын уур амьсгалын өөрчлөлт, нөөцийг бүрдүүлэх, тодорхойлох, цаг агаарын элементүүдийн түүвэр судалгааг хийж, төрийн болон төрийн бус байгууллага, аж ахуйн нэгж, ард иргэдэд цаг агаарын урьдчилсан, сэрэмжлүүлэг мэдээ болон бодит мэдээгээр үйлчлэх үйлчилгээг үзүүлдэг.
➢ МУИС болон мэргэжлийн сургуулиудын оюутнуудыг дадлагажуулж, мэргэжлийн чиглэлээр боловсон хүчнийг бэлтгэхэд тусламж үзүүлж ажилладаг.